|
Қазан айының 9 - 10 аралығында Грекия республикасының Крит аралында физика және математика пәндері бойынша халықаралық олимпиада болып өтті. Аталған олимпиадаға әлемнің әр елінен 170 оқушы, оның ішінде Қазақстаннан 11 команда бойынша 55 оқушы, соның ішінде Семей қаласынан физика және математика бағытындағы Назарбаев зияткерлік мектебінен 5 оқушы қатысты. Бұл команданың жетекшісі - физика және информатика кафедрасының профессоры, педагогика ғылымдарының докторы Мукушев Базарбек Агзашұлы.
Олимпиаданың қорытындысы бойынша Семей қаласының командасы төмендегідей жетістіктерге жетті:
1. Математика және физика пәндері бойынша тестік тапсырма бойынша – I орын (диплом).
2. Физика пәні бойынша III орын (диплом).
3. Математика пәні бойынша II орын (диплом).
4. «Физика және математика» сайысы бойынша II орын (диплом және кубок).
5. Жеке оқушылардың жетістіктері бойынша 11сынып оқушысы Туменбаева Гульжан математикадан III орын (диплом), 10 сынып оқушысы Қабиден Қуаныш «физика және математика» сайысы бойынша – III орын (диплом) жеңіп алды.
|
